SOCAR və Gürcüstan hökuməti arasında Azərbaycandan nəql olunan qazın həcminin artırılmasına dair memorandum imzalanıb.

APA-nın verdiyi xəbər görə, sənədi SOCAR prezidenti Rövnəq Abdullayev və Gürcüstan baş nazirinin müavini, Energetika naziri Kaxa Kaladze imzalayıblar.

Azərbaycandan Gürcüstana əlavə olaraq hansı həcmdə qaz nəql olunacağı hələlik məlum deyil. Lakin bundan öncə hər iki ölkənin rəsmiləri dəfələrlə bildirib ki, Gürcüstan əlavə olaraq 500 mln. kubmetr qazın nəql olunmasını istəyir.

Bundan əlavə sənədləri Gürcüstan Neft Qaz Korporasiyasının baş direktoru David Tvalebeyişvili, SOCAR Gas Export-Import MMC-nin direktoru Zaur Quliyev imzalayıb.

İkinci sənəd isə Qaz alqı – satqı müqaviləsinə dəyişikliklərin edilməsi barədədir və sənədi SOCAR prezidenti və Gürcüstan Neft Qaz Korporasiyasının baş direktoru imzalayıb. Bu sənədə aid həm də Öhdəliklərin icrası barədə "Zəmanət öhtəliyi" imzalanıb.

Hüquqların ötürülməsi barədə Aktı isə Rövnəq Abdullayev, SOCAR Georgia Gas MMC-nin Direktoru Azər Məmmədov və Gürcüstan Neft Qaz Korporasiyasının baş direktoru imzlayıb.