Amerikalı məşhur aktrisa Merilin Monronun saçı hərracda satılacaq.

Axar.az xəbər verir ki, Monronun saçının bir hissəsi payızda Los-Ancelesdə keçiriləcək hərracda satışa çıxarılacaq. Bu vaxtadək Frida Hollun şəxsi kolleksiyasında ultrabənövşəyi şüa buraxmayan xüsusi qutuda saxlanılan saçların başlanğıc qiyməti 6-8 min dollardır. Hərracda qalibə saçların həqiqiliyini təsdiq edən sertifikat da təqdim ediləcək.

Frida Holl uzun müddət Merilin Monronun saç ustası olub və bu saçları aktrisa özü ona hədiyyə edib.

Hərracda Monronun qiyməti 3-600 min dollar olan bir neçə libası da satışa çıxarılacaq.

Qeyd edək ki, amerikalı aktrisa, müğənni və model olan Merilin Monro 1950-1960-cı illərdə ən populyar kino ulduzlarından olub. Cəmi 36 il ömür sürən Monro 1953-cü ildə çəkildiyi "Niaqara" filmi ilə məşhurlaşıb.