Harri Potter silsiləsinin daha bir seriyası sevənlərinin görüşünə gəlməyə hazırlaşır.

Axar.az xəbər verir ki, seriyanın yeni filmi "Fantastik canavarlar" adlanır. "Fantastik canavarlar"ın artıq ilk fraqmenti yayımlanıb. Fraqment böyük maraqla qarşılanıb. Film Harri Potter və dostlarının zamanından çox əvvəldən - 1920-ci illərdən bəhs edir.

Filmin baş rollarını oskarlı aktyor Eddi Redmayne və Qızıl Kürə mükafatlı aktyor Kolin Farrel oynayır. Rejissoru isə Harri Potter silsilə bölümlərinin 4 filminə rejissorluq edən David Yatesdir.

Qeyd edək ki, ingilis yazıçı J.K Roulinqin kitabına uyğunlaşdırılan "Fantastik canavarlar" 16 noyabrda nümayiş olunacaq.