Azərbaycanın bəzi məşhur simalarının övladlarının fəaliyyəti tez-tez maraq doğurur.

Axar.az məşhurların övladlarının nə işlə məşğul olması ilə bağlı qısa araşdırma aparıb.

Məlum olduğu kimi, xalq artisti Aygün Kazımovanın qızı İlqarə İbrahimova anasının sənətini davam etdirir.

Rəqsanənin övladı Aysun isə dizaynerlik fəaliyyəti ilə məşğuldur.

Musiqili Komediya Teatrının aktyoru, bir çox film və tamaşalarda önəmli rolları canlandıran mərhum aktyor Fuad Əhmədovun oğlu İlkin Əhmədov da müğənni kimi fəaliyyət göstərir.

Xalq artisti, bəstəkar Süleyman Əsgərovun nəvələri - məşhur Planet Parni iz Baku komandasının üzvləri - Tahir və Cabir İmanovlardır.

"Bakılı oğlanlar" komandasının kapitanı, mərhum millət vəkili Anar Məmmədxanovun qızı Məryəm modelyer kimi fəaliyyətini davam etdirir.

Azərbaycanın əməkdar artisti Aybəniz Haşımovanın qızı Aynişan Quliyeva da müğənnidir.

Xalq artisti Ramiz Novruzun oğlu Cavidan Novruzov bir müddət Azərbaycanın tanınmış qrupu "N brazers"də çıxış edib. Son vaxtlar biz onu müxtəlif filmlərdə aktyor kimi də görürük.