Ekstrasens Zirəddin Rzayev Feysbuk sosial şəbəkəsinin yaradıcısı Mark Zukrberqə şikayət məktubu yazıb.

Axar.az "Mosko-Baku" nəşrinə istinadən xəbər verir ki, Zirəddin onun adından açılan saxta profillərin bağlanmasını tələb edir. O, bu profillərin insanlara saxtakarlıqla fırıldaq gəldiyini iddia edib. Ekstrasens bir neçə dəfə müxtəlif orqanlara şikayət ünvanlasa da, istədiyi nəticəni əldə edə bilməyib. Bundan sonra Zukerberqə yazmaq qərarına gəlib.

Lakin Rzayevin Marka yazdığı məktubdan sonra onun öz profili bloka düşüb, saxta profillər isə fəaliyyətini davam etdirib.

"Cənab Mark Zukerberq! Mənim müəllif hüquqlarımı pozaraq, bir çox dələduz saxta profillə insanları dolandırır. Mən bu halın qarşısının alınması üçün mənə yardım etmənizi və müəllif hüquqlarımı qorumağınızı istəyirəm" – deyə məşhur ekstrasens Marka məktub ünvanlayıb. Qarşı tərəf, hələ ki, ekstrasensin məktubunu cavabsız qoyur.