Ana səhifə Kult |
Bakıda Gənclərin III Ümumrespublika Teatr Festivalı başlayıb.
Axar.az xəbər verir ki, ideya müəllifi millət vəkili Jalə Əliyeva və Azərbaycan Respublikası Gənclər və İdman Nazirliyi, Mədəniyyət və Turizm Nazirliyinin birgə layihəsi olan festivala 2 il ərzində 250-ə yaxın istedadlı, yaradıcı gənc qoşulub.
Möhtəşəm ART - kampları, ölkənin ən tanınmış incəsənət və mədəniyyət xadimlərinin ustad dərsləri ilə yadda qalan festival sentyabrın 20-dən start götürüb.
Əsas məqsəd gənclərdə teatra olan marağı artırmaq, istedadlı gəncləri teatra cəlb etməkdir. 1-ci yerin qalibləri üçün 3000 AZN, 2-ci yer üçün 2000 AZN, 3-cü yer üçün isə 1000 AZN nəzərdə tutulub.
Xatırladaq ki, ssenari seçimi və rejissor, aktyor heyətinin formalaşdırılması üçün iştirak blankı əldə etmək istəyənlər (070) 3993639, (012) 4304367 telefonlarına zəng edə və yaxud info@asa.edu.az poçtuna məktub yaza bilərlər. Yalnız 12 komanda (tərkibində maksimum 10 iştirakçı ola bilər) iştirak üçün təsdiq ediləcək.
Tarix
2014.10.15 / 18:39
|
Müəllif
Nilufər Muğantürk
|