Amerikalı rəssam Keysi Zavalya öz yaradıcılığında yeniliyə imza atıb. O, portretlərini iplərin vasitəsi ilə ərsəyə gətirir.

Axar.az-ın xarici mənbələrdən əldə etdiyi məlumata əsasən, Keysi qobelen (divar xalçası) və rəsm portretləri arasında ümumi vəhdət yarada bilib. Keysinin "saplarla şəkil çəkməyi" və tablo əvəzi iynə və parçadan istifadə etməsinə baxmayaraq, onun rəsm əsərləri yağlı boya ilə çəkilmiş portretlərdən seçilmir. Qız müəllif üslubuna yiyələnmək üçün uzun müddət öz üzərində çalışıb. Onun əsərləri müasir incəsənətin əsl sənət nümunəsi hesab edilə bilər.

"Saplarla çəkilən şəkil" adi rəsm əsərindən daha qəliz və çətin üsulla ərsəyə gəlir - Keysi rəngləri əldə etmək üçün, onları bir-biri ilə qarışdıra bilmir və digər texnologiyalar da onun üçün əlçatmazdır.