XX əsr türk ədəbiyyatının ən görkəmli simalarından biri hesab edilən Orxan Vəli Kanıkın heç bir kitabında olmayan "Ölümüm" adlı şeiri illər sonra ilk dəfə çap edilib.

Axar.az xəbər verir ki, şairin "Ölümüm" şeiri "Körpü" adlı sənət qəzetində yayımlanmasından düz 60 il sonra "Varlıq" jurnalının yanvar nömrəsində yenidən oxuculara təqdim edilib.

Bu şeir Orxan Vəlinin ölümündən səkkiz il sonra "Körpü" qəzetinin 1958-ci il 1 dekabr tarixli beşinci sayının ikinci səhifəsində Tarık Ərmanın "Ölənlər – Qalanlar" başlıqlı yazısı içində "Orxan Vəlinin ildönümü ilə əlaqədar indiyə qədər heç yerdə yayımlanmayan bir şeirini təqdim edirik" yarımbaşlığı ilə çıxıb.

Qeyd edək ki, bu şeir Orxan Vəlinin 2014-cü ildə "Bütün şeirləri" adlı kitabında "Kitablarında olmayan son şeirləri" başlığı altında toplanan şeirləri arasında da yoxdur.

Şeiri bu linkdən oxuya bilərsiniz: http://kitap.radikal.com.tr/makale/haber/orhan-velinin-kayip-siiri-414813