"Bu, təkcə Fransanın deyil, bütün Avropanın problemidir".

Axar.az xəbər verir ki, albomları dünya üzrə ən çox satılan və dünyada yaşayan ən məşhur müğənnilər arasında ilk pillələrdə yer alan Madonna "Fransız Avropa 1" radiosunda çıxış edib.

56 yaşlı müğənniyə görə, Fransa bir vaxtlar evsizlərə (mühacirlərə, köçkünlərə) qucaq açan ölkə olsa da, indi bu anlayış artıq itib.

O, xüsusilə, Fransada yəhudi əleyhdarlarının gedərək artdığını və Fransanın fərqliliyə qarşı olan ənənəvi xoş münasibətinin artıq yoxa çıxdığını vurğulayıb.

Madonna həddindən artıq sağçı Milli Cəbhənin gələn seçkilərdə qalib olma ehtimalından narahat olduğunu da dilə gətirib: "Biz ən pis vaxtımızı yaşayırıq. Çox axmaq bir dövrdən keçdiyimizi hiss edirəm. Nasist Almaniyası kimi bir hiss... Xoş münasibətin səviyyəsi yox səviyyəsinə çatır. Antisemitizmin artması və müxtəlif ölkələrdən gələnlərə düşmən kimi baxılması qorxunc haldır. Bu, təkcə Fransanın deyil, bütün Avropanın problemidir".