İsrail televiziyası öz açıqlaması ilə bütün dünya mətbuatını heyrətləndirib. İsrailin şimalında 2,3 min il bundan əvvələ aid olan tarixi sikkə və pullar tapılıb. Sözügedən arxeoloji tapıntılar Makedoniyalı İsgəndərin ölümündən sonrakı qarmaqarışıqlıq dövrünə təsadüf edir.

Axar.az İsrailnews.ru-ya istinadən xəbər verir ki, tapılan xəzinədə gümüş bəzək əşyaları, qızıl üzük və sırğalar, bilərziklər və sikkələr aşkarlanıb.

Ekspertlər hesab edirlər ki, bu arxeoloji tapıntılar müasir dövr üçün çox dəyərli xəzinə hesab olunur və onlar təxminən eramızdan əvvəl IV əsrin sonunda Makedoniyalı İsgəndərin vəfatından sonra hazırlanıb.