IV Beynəlxalq "Muğam dünyası" festivalı çərçivəsində Bakı Caz Mərkəzində cazmen Salman Qəmbərovun "Bakustik" qrupu ilə bərabər konserti keçirilib.

Salman Qəmbərov konsertdən sonrakı təəssüratlarını Axar.az-la bölüşüb. O bu festivalın ölkənin mədəni həyatında mühüm hadisə olduğunu deyib: "IV Beynəlxalq "Muğam dünyası" festivalı çərcivəsində silsilə konsertlər təşkil olunur. İlk konsertdə "Bakustik" caz qrupu ilə birlikdə biz də çıxış etdik. İmprovizə gecəsi idi. 7 kompozisiya ifa etdik. Onların 4-ü sırf improvizə idi. Konsert çox yüksək təşkil olunmuşdu. Zövq aldığım bir gecə keçdi".

Qeyd edək ki, IV Beynəlxalq "Muğam dünyası" festivalında müxtəlif ölkələrdən musiqi ustaları iştirak edir.