"Taksi" filmi sayəsində məşhurlaşan fransız aktyor Sami Naceri Parisdə nəzarətə götürülüb.

Axar.az xəbər verir ki, fransız "La Depeche du Midi"nin məlumatına görə, etibarlı mənbə 53 yaşlı aktyorun keçmiş həyat yoldaşı Meri Qilarda hücum etdiyi üçün polis tərəfindən saxlanıldığını bildirib.

Aktyor oxşar hadisəyə görə martın 18-i də hakim qarşısına çıxacaq.

Xatırladaq ki, skandallarla gündəmə gələn aktyor yanvarın 15-də keçmiş sevgilisini döydüyü üçün nəzarətə götürülmüşdü. Aktyor sərxoş halda adı açıqlanmayan keçmiş sevgilisinin evinə gedib onunla mübahisə etmişdi. Aktyor mübahisə vaxtı pendir bıçaqları ilə biləklərini kəsməyə də cəhd edib. "Kann" mükafatlı aktyor keçən ilin martında bir qadını əlində bıçaqla təhdid etdiyinə, 2013-cü ildə davaya, 2011-ci ildə keçmiş sevgilisinin sevgilisini bıçaqladığına görə dəfələrlə qısamüddətli və uzunmüddətli nəzarətə götürülüb.