İngiltərəli qalmaqallı, məşhur qraffiti-rəssam, siyasi aktivist və rejissor Benskinin əsəri cəmi 175 dollara satılıb.

Axar.az BBC-ə istinadən xəbər verir ki, yaxın keçmişdə Benskinin Qəzza səfəri zamanı sökülən evin qapısında çəkdiyi rəsm əsəri evin sahibi tərəfindən cəmi 175 dollara satılıb.

BBC-yə açıqlamasında etdiyi əməldən peşman olduğunu və əsərin bahalı olduğunu ağlına da gətirmədiyini bildirən evin sahibi əsəri geri almaq istəyir. Alıcının kim olduğunu müəyyənləşdirmək mümkün olmadığından qəzzalının bu tələbi yerinə yetirilməyib.

Xatırladaq ki, Benskinin Bristolda çəkdiyi rəsm əsəri sonuncu dəfə 590 min dollar satılmışdı.