Yuxarı

Koronadan xilas üçün bu ət lazımdır...

Ana səhifə Kult
12 Punto 14 Punto 16 Punto 18 Punto

Koronavirusla mübarizədə bizə bircə orqan lazımdır: beyin!

Bu gün virus ölkədə belə sürətlə yayılırsa, bunun əsas səbəbi başında beyin əvəzinə başqa zad gəzdirənlərdədir. Söhbət hər addımda virusun yalan olduğunu deyib bu istiqamətdə təbliğat aparanlardan gedir.

Terrorçu olmaq üçün təkcə haranısa partlatmaq və ya gülləbaran etmək lazım deyil ki! Adi bir şayiə ilə terrora səbəb olmaq mümkün.

Əvvəllər çoxunun bir arqumenti var idi: deyirdi, koronadan ölən bircə tanışınızı göstərin! Qardaş, bacı, mən başa düşmürəm, siz Mars planetinin mövcud olduğunu öyrənmək üçün ora qohum-əqrəbanızı göndərmisiniz? 40 ildir dünya QİÇS-lə əlləşir, indiyə kimi heç bir qohumum, tanışım bu xəstəlikdən ölməyib. Onda bu dəhşətli xəstəliyin varlığına inanmamalıyam?

İndi çoxunun “virus yoxdur” bəhanəsi kəsilib, çünki artıq qohum-tanışları bu virusa yoluxub, həyatını itirib. Amma buna rəğmən, hələ də həyatımızı təhlükəyə atanlar tapılır. Məsələn, siçovul kimi deşiklərə girib toy, nişan, ad günü edənlər...

Ay adamlar, sizə insan kimi deyildi ki, mərasim, toplaşmaq qadağandır! Axı niyə zirzəmiyə-zada soxulub mərasim keçirirsiz? Çox vacibdirmi artıq əti kəsmək üçün bu qədər tələsmək, camaatı bir yerə yığmaq. Sizə Prezidentin sözü, dövlətin qanunu kar eləmir?

“Feyrmont”da, başqa otellərdə yığışan bazar təfəkkürlü varlılardan danışmağa belə dəyməz. Onlar karantində sünnət toyu keçirənlərdən də aşağı düşüncəyə malikdirlər.

Sünnət e, a kişi, sünnət. Başa düşmürəm, qaçmır ki! Kəsəcəksiniz də, nə vacibdir axı? Niyə tələsirsiniz?

Amma madam ki, kəsdirirsiniz, zəhmət olmasa, o artıq ətdən beyin düzəltdirin. Çünki hazırda sizin yalnız beyinə ehtiyacınız var.

Tarix
2020.07.07 / 21:53
Müəllif
Şeyx Teymur
Digər xəbərlər

Tovuz döyüşləri: Erməni obyektləri "Harop"la belə vuruldu - Video

Azərbaycan bu seçkilərdə qələbə qazandı

Anar Abdullayev həbs olundu

PKK tərk-silah olur: ilk qrupun silahları yandırmasının mənası...

Quterreş Əliyevlə Paşinyanın görüşünü yüksək qiymətləndirdi

Putin postsovet ölkələrinə müdaxilə üçün fərman imzaladı

Azərbaycan Ukraynaya indiyədək nə qədər yardım edib?

Rusiyanın Azərbaycana qarşı şaftalı savaşına Belarus da qoşuldu

Xameneinin Azərbaycana nifrətinin əsl səbəbi - İsrail KİV

BƏƏ-də tarixi görüş: İranın “qırmızı xətti” artıq yoxdur!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla