Cəfər Cabbarlı adına "Azərbaycanfilm" kinostudiyasının direktoru Müşfiq Hətəmov rejissorlarla görüş keçirib.

Axar.az xəbər verir ki, görüşdə rejissorlardan Mirbala Səlimli, Elçin Musaoğlu, İlqar Nəcəf, Şamil Əliyev, İlqar Safat və Elxan Cəfərov iştirak edib.

Görüşdə "Azərbaycanfilm" kinostudiyasının istehsalı olan filmlərin 2014-cü ildə 52 film festivalında iştirak etməsi misalında beynəlxalq inteqrasiyasının uğurlu başlanğıcından ruhlanaraq dünya film fondları və aparıcı kino şirkətləri ilə daha sıx əməkdaşlıq əlaqələrinin yaradılması və Azərbaycan filmlərinin yerli tamaşaçılara tanıdılması, geniş auditoriyanın cəlb edilməsi yolları müzakirə olunub.