Karlo Kollodinin uşaq romanı "Pinokyonun macəraları" əsasında yeni film çəkilir.

Axar.az Qardian-a istinadən xəbər verir ki, Disney bu nağılı özünün daim genişlənən reyestrinə əlavə etmək və mavi ekrana daşımaq istəyir. O, "Vinni Pux", "Mulan", "Sindrella"dan sonra indi də "Pinokyo" haqda film çəkmək istəyir. Film Peter Hidcisin rejissorluğu ilə 3D formatında çəkiləcək.

Qeyd edək ki, "Pinokyo" Karlo Kollodinin 1883-cü ildə çıxan uşaq romanının qəhrəmanıdır. Qəhrəman əsl oğlan olmaq istəyən taxta kukladır. Pinokyoya aid film ilk dəfə 1940-cı ildə, daha sonra SSRİ dövründə 1975-ci ildə "Belarusfilm" studiyasında "Buratinonun macəraları" adı ilə çəkilib. "Oskar" mükafatlı Robert Beniqninin rejissorluğu ilə film 2002-ci ildə yenidən ekranlaşdırılıb.