1991-ci ildə adi fermer Vyetnamın milli parkı Phon Nha-Ke Banqda bir mağara aşkar edib. Amma mağaradan gələn dəhşətli su nəriltisi onu ürküdüb və fermer aşağı düşməyə çəkinib. Yerli əhali sözügedən mağaranı Son Doong adlandırır. Amma mağaranı öyrənmək və dərinliklərinə enməyi heç kim cəsarət etməyib.

Axar.az xarici mediaya istinadən xəbər verir ki, yalnız 2009-cu ildə britaniyalı tələbələr Hovard Limbertin rəhbərliyi ilə həmin mağaraya rast gəlib və aşağı düşmək qərarı veriblər. Nəticədə dünyanın ən böyük – uzunluğu 5 km, eni 150 m olan mağarasını kəşf ediblər.

Bu unikal məkanın özünəməxsus faunası, florası, gölləri var. İçəri düşmək üçün, ipin köməyi ilə 80 metr dərinlikdə yerin altına enmək lazımdır. Mağaranın içində kiçik göl və çimərlik var. Burda 3 metr hündürlüyündə ağaclar və nadir rast gəlinən bitkilər bitir.

Axar.az bu möcüzəvi yeraltı cənnətin videosunu təqdim edir: