Ana səhifə Kult |
12-28 iyun tarixində ölkəmizdə keçiriləcək Birinci Avropa Oyunlarına 44 gün qalıb.
Bu mötəbər turnirlə bağlı sənət adamları fikirlərini Axar.az-la bölüşüb:
Afaq Bəşirqızı (xalq artisti):
"Hər hansı bir tədbir olanda əsl vətəndaş vətəninin sabahı üçün bunun xeyirli olacağına ümid bəsləyir. Təbii ki, Avropa oyunları ilə əlaqədar xarici ölkələrdən azarkeşlər gəlib bizim ölkənin gözəlliyini, mədəniyyətini görəndə turistə çevriləcəklər. Hər bir şəhərin turisti isə onun iqtisadi inkişafı deməkdir. Mənə elə gəlir ki, Avropa oyunlarının Azərbaycanda keçirilməsində çox xeyirli məqamlar var".
Azərpaşa Nemətov (xalq artisti, Teatr Xadimləri İttifaqının İdarə Heyətinin sədri):
"Mənə elə gəlir ki, bu, çox böyük hadisədir. Keçmiş idmançı kimi çox sevinirəm ki, möhtəşəm Avropa Oyunları ilk dəfə Azərbaycanda – Bakıda keçiriləcək. Buraya təkcə idmançılar, onların məşqçiləri deyil, eyni zamanda, dünyanın bir çox ölkələrindən, hətta Avropa qitəsindən kənarda yerləşən ölkələrdən də çoxlu jurnalistlər gələcək. Maraqlanacaqlar ki, görəsən, Azərbaycan necə yerdir, Avropa Oyunlarına necə hazırlaşıb? Avropa Oyunları ilə bağlı stadionlar, maraqlı yerlər tikilib. Bunlar hamısı şərtdir, ona görə mən sevinirəm, Azərbaycanımızı təbrik edirəm, böyük uğurlar arzulayıram".
Tarix
2015.04.29 / 22:24
|
Müəllif
Nigar An
|