Nəqliyyat gündəlik həyatımızın bir hissəsinə çevrilib. Təkcə bölgələrə deyil, elə paytaxtdaxili nəqliyyatla da yol getmək çox vaxt bizi yorur. Mütəxəssislər nəqliyyatda yol gedərkən ən uğurlu məşğuliyyətin kitab oxumaq olduğunu bildirirlər.

Axar.az ictimai nəqliyyatda kitab oxumağın 7 faydasını təqdim edir:

1) Özünüzü, dünyagörüşünüzü inkişaf etdirərsiniz;

2) Yolda keçirdiyiniz zamanı, yolun uzunluğunu özünüzə dərd etməzsiniz;

3) Qarşı-qarşıya oturduğunuz adamla göz-gözə gəlib sıxılmaq probleminiz olmaz.

4) Əl-qol koordinasiyanız, bədən müvazinətiniz güclənər;

5) Ayaq üstdə, itələnərək çətin bir vəziyyətdə kitab oxuduğunuzu görənlər ayağa qalxana yaxın yerlərini sizə verərlər;

6) Oyun oynayaraq telefonunuzun enerjisini tükətməzsiniz;

7) Telefonunuzdakı meqabayt bitməz, bu da sizin cibinizə xeyirdir.