1950-ci illərin seks simvolu yaşadığı ömrün puç olduğunu etiraf edib.

Axar.az xəbər verir ki, 21 illik sənət karyerasında 48 filmdə çəkilən, 80-ə yaxın mahnı ifa etməsinə və 200-ə yaxın müzikldə çıxış etməsinə baxmayaraq, dünya şöhrətli fransalı ulduz Bricit Bardo həyatından son dərəcə narazıdır.

Aktrisa bu gülərdə Fransa mediasına verdiyi açıqlamada aktrisalıq peşəsinə yiyələndiyi üçün çox peşman olduğunu dilə gətirib:

"Mən öz köhnə filmlərimə baxanda açıq-saçıq səhnə obrazlarımı böyük dəhşətlə qarşılayır və özümə nifrət hissi ilə televizoru söndürürəm. Əsil qadın xoşbəxtliyi onun yaratdığı obrazlarla deyil, qurduğu isti yuva ilə ölçülür".

Məşhur aktrisa hicablı müsəlman qadınlar haqda da fikir bildirib:

"Tez-tez müsəlman ölkələrinə turist kimi səyahət edirəm. Maraqlıdır ki, ilk baxışdan çadraya bürünən və qul təəssüratı bağışlayan qadınlar olduqca xoşbəxt və qayğısızdır. Ərlərinin onları "həbibim" deyə çağırması istər- istəməz məndə kədər yaradır. Bir qadın olaraq düşünürəm ki, görəsən nə üçün mən bütün bu xoşbəxtlikdən məhrumam? Yenidən gəncliyimi geri döndərə bilsəydim, həyatımı puç edən şöhrətə birdəfəlik əlvida deyib, ailə həyatı qurar, övlad sahibi olardım. Hazırda yanımda yalnız aclıq hissi yarandıqda məni xatırlayan iki pişiyim və itim var. Vəssalam".