Oskar mükafatlı yazar, ssenarist Maykl Bleyk vəfat edib.

Axar.az xəbər verir ki, Variety saytının xəbərinə görə, Oskar mükafatlı "Qurdlarla rəqs" filminin ssenari müəllifi Maykl Bleyk dünən, 69 yaşında vəfat edib.

Təhsilini başa vurandan sonra ssenari yazarlığına başlayan və Kevin Kostnerin tövsiyəsi ilə "Qurdlarla rəqs" romanını yazan ssenaristin əsəri 15 dilə tərcümə edilərək 3.5 milyon ədəd satılıb.

K.Kostner 1990-cı ildə çəkdiyi filmin həm də baş rolunda çəkilib. Müxtəlif nominasiyalarda 7 Oskar alan film, eləcə də Maykl Bleyki "ən yaxşı ssenarist" nominasiyasında qalib edib. 22 milyon dollar büdcə ilə çəkilən film 400 milyon dollar gəlir gətirib.