"Kimisə qınamaq və ya mühakimə etmək olmaz".

Bu sözləri əməkdar artist Abbas Bağırov "Maşın şou"nun dünənki buraxılışında oyunu tərk etməsi ilə bağlı Axar.az-a açıqlamasında deyib:

"Əli Xatirə xanımı çıxartmaq istəyirdi. Buna görə də mən Xatirənin yerinə getmək qərarına gəldim. Bu addımı həm Xatirənin yaxın dostum olduğuna görə, həm də onun əsil xanım olduğuna görə atdım. Xatirə əsil xanımdır. Bu şouda qalmaqal olması normal haldır. Hərənin özünəməxsus xarakteri, kaprizləri və səbri var. Elə adam var, səbir edə bilir, eləsi də var ki, səbirsizdir. Buna görə də mən bu tip qalmaqallara normal baxıram. Hərə özünə haqq qazandırmağa çalışır. Bu bir oyundur və oyunda hərə bir cür taktika işlədir, öz oyununu nümayiş etdirir. Kimisə qınamaq və ya mühakimə etmək olmaz".

Xatırladaq ki, ANS kanalında yayımlanan "Maşın" realiti-şousunun dünənki buraxılışının qəhrəmanı Abbas Bağırov olub. İştirakçıların gizli səsverməsi nəticəsində Aşıq Əli yarışmanı tərk etməyə namizəd seçilib. Yığdığı səslərdən sonra isə Xatirə İslamı yarışmadan uzaqlaşdırmaq istədiyini deyib. Bu vaxt Abbas Bağırov maşından əlini çəkib və Xatirə İslamın əvəzinə yarışmanı tərk edib.