Bir müddət əvvəl ölkəmizdə səfərdə olan Argentina Respublikası Mədəniyyət Nazirliyinin Yaradıcılıq və İctimai Mədəniyyət Məsələləri üzrə katib müavini xanım Maria Yelena Tronkoso Azərbaycan haqda danışıb.

Musiqili Teatrın mətbuat xidmətindən Axar.az verilən məlumata görə, xanım Maria ölkəsinə qayıtdıqdan sonra Musiqili Teatrda şəxsi fotoaparatıyla çəkdiyi şəkilləri Azərbaycana yollayaraq ölkəmizdəki xoş xatirələri unuda bilmədiyini deyib:

"Sizin ölkənizi unuda bilmirəm. Argentinada da Azərbaycan Dövlət Musiqili Teatrını, oradakı səmimi və gözəl kollektivi, belə bir sənət məbədində olduğumu tez-tez xatırlayır, bütün Azərbaycana salamlarımı çatdırıram".

Xatırladaq ki, xanım Maria Yelena Tronkoso ötən ay Bakıda keçirilən III Ümumdünya Mədəniyyətlərarası Dialoq Forumundan iştirak etmişdi.