Almaniyanın Meynz şəhərində yazıçı Vüqar Dəmirbəylinin "Gecikmiş kolon" ("Die verspätete Kolonne") romanının təqdimatı keçirilib.

Müəllifin Axar.az-a verdiyi məlumata görə, tədbir Meynzdə yaşayan bir qrup alman yazıçının təşəbbüsü ilə baş tutub. Görüşdə Meynz şəhərində yaşayan yazarlar, tələbələr, şəhər ictimaiyyətinin nümayəndələri iştirak edib. Roman dinləyicilər tərəfindən maraqla qarşılanıb və görüş əsərin müzakirəsi ilə başa çatıb.

Qeyd edək ki, sözügedən roman "Divizion" adı altında 2011-ci ildə Peterburqun "Alateya" nəşriyyatı tərəfindən rus dilinə, 2012-ci ildə isə Berlinin "Vostok" nəşriyyatında alman dilinə tərcümə edilərək nəşr edilib.