Yaradıcılıq və dəlilik arasındakı əlaqə sübuta yetirilib.

Axar.az xarici mətbuata istinadən xəbər verir ki, yaradıcılıq və ruhi xəstəlik arasında genetik bağlantının olması öz təsdiqini tapıb. Araşdırmaçıların 86 min islandiyalı üzərində apardığı təcrübədən çıxan bu nəticə genetik və tibbi əsaslara söykənir.

İslandiyalı elm adamlarının araşdırmalarına görə, yaradıcı insanların şizofren olmaq ehtimalı digər insanlara nisbətən daha çoxdur. Rəssamlar, musiqiçilər, yazıçılar fiziki əməklə məşğul olan insanlara nisbətən 25 faiz daha çox genetik daşıyıcıya malikdir. Nitsşe və Edqar Allan Po kimi yazıçıların psixoloji problemlərinin olması bizə məlumdur.

Araşdırma rəhbəri Kari Stefansson bunu belə şərh edib:

"Yaradıcı olmaq üçün müəyyən qədər fərqli düşünməlisiniz. Fərqli düşünəndə isə qəribə, çılğın, hətta dəli kimi tanınacaqsınız. Yaradıcılıq bizə Motsart, Bax və ya Van Qoq tərəfindən bəxş edilən bir hədiyyədir. Keyfiyyət isə cəmiyyət üçün olduqca önəmlidir. Lakin bu yaradıcılıq özü ilə birlikdə çoxsaylı risklər də gətirir. Bu səbəbdən cəmiyyətin yüzdə biri bunun qarşılığını ödəyir".