Azərbaycan Televiziyası Gürcüstanın Dmanisi rayonunda azərbaycanlıların digər xalqlarla birgə sülh şəraitində yaşamasını əks etdirən süjet yayımlayıb.

Kult.az xəbər verir ki, süjetdə azərbaycanlıların içərisində böyüdüyünü deyən erməni qadın Lyuba Avdalyan məşhur “Azərbaycan qızıyam” mahnısını Azərbaycan dilində səsləndirib. L.Avdalyan 60 ildir bu ərazidə yaşadığını və azərbaycanlıları çox sevdiyini dilə gətirib:

“Mən azərbaycalıların yanında böyümüşəm. Atam burada zavodda işləyirdi. Bizim ailəmizə gürcü, rus və digər millətlər gəlirdilər, amma azərbaycanlılar daha çox gəlirdilər. Babam yetim olub və azərbaycanlıların içində böyüyüb. Mən azərbaycanlıları çox sevirəm”.