ABŞ-da müəllim şagirdlərinə iki gey şahzadədən bəhs edən nağıl oxuduğu üçün işdən uzaqlaşdırılıb.

Axar.az xarici mətbuata istinadən xəbər verir ki, Efland şəhərində yerləşən məktəblərdən birində müəllim uşaqlar arasında problemlər yaşandığını müşahidə edib. Problemin nə olduğunu soruşanda öyrənib ki, uşaqlardan biri öz oğlan dostları tərəfindən təklənir və ona "qız" deyə müraciət edirlər. Bundan sonra müəllim şagirdlərinə bir-birinə aşiq olan iki oğlan şahzadənin nağılını oxuyub.

Müəllimin sözlərinə görə, oxuduğu kitabı ona məktəb direktoru Men Qudhend təqdim edib. Hadisədən sonra həm müəllim, həm də məktəb direktoru öz vəzifələrindən azad olunublar.

Qeyd edək ki, "Şahzadə və Şahzadə" nağılı 2002-ci ildə holland yazıçıları Linda de Haan və Stern Neyland tərəfindən yazılıb.