XX əsrin ən məşhur yazarlarından biri Frans Kafkaya aid əlyazmaların harada saxlanılacağı ilə bağlı bir müddətdir davam edən məhkəmə nəhayət qərarını verib.

Axar.az xəbər verir ki, məhkəmənin qərarına uyğun olaraq, Kafkanın əlyazmaları İsrail Milli Kitabxanasında saxlanılacaq.

Xatırladaq ki, Kafka şah əsərlərindən biri sayılan "Çevrilmə" başda olmaqla bir çox əsərinin qaralamasını ölümündən əvvəl dostu Maks Broda verərək ondan bu mətnləri yandıraraq yox etməsini istəyib. Bu istəyini yerinə yetirməyən və yazarın ölümündən sonra mətnlərin çap olunmasına şərait yaradan Brod faşist işğalı vaxtında işgəncələrdən qaçıb sığındığı Fələstinə Kafkanın əlyazmalarını da aparıb. Brod 1968-ci ildə dostunun əlyazmalarını assistenti Ester Hoffiyə əmanət edib. 1973-cü ildə Hoffinin əlyazmalarını hərraca çıxararaq satma fikri ortaya çıxanda məhkəmə Brodun vəsiyyətinə uyğun olmadığı üçün bu fikrə mane olub. Məhkəmə qərarı əlyazmaların onlara aid olduğunu iddia edən Hoffinin qızlarını məyus edərək Kafkanın əmanətlərini kitabxanaya etibar edib.