Türkiyədə kitabyuyan maşın – "Book Shower" satışa çıxarılıb.

Axar.az türk mətbuatına istinadən xəbər verir ki, Cənubi Koreyadan idxal edilən bu maşının köməyi ilə köhnə kitablarda toplanmış toz və bakteriyalara qarşı gigiyenik təmizlik təmin ediləcək.

Kitabyuyan maşın bir çox ölkədə böyük marağa səbəb olub.

"Book Shower"i Türkiyəyə gətizdirən "ABŞ Nəşriyyatı"nın sahibi Çağla Acar yeni məhsulla bağlı açıqlama verib: "Kitab bu maşında 2 dəqiqə ərzində sterilizə olunur. Sadəcə, bir düyməyə basmaqla kitablarınızın bütün səhifələrini təmizləyə bilərsiniz. Kitabxanaçılar və kolleksiyaçılar bu maşından asanlıqla istifadə edə bilərlər. Oxumazdan əvvəl və ya sonra kitabı 1-2 dəqiqəlik maşına qoyun".