İngilis yazıçı Katrin Nikols kitabını nəşr etdirmək üçün kişi adından istifadə edib.

Axar.az xarici mətbuata istinadən xəbər verir ki, o, nəşriyyatlara kişi imzası ilə gedən əsərin nəşr olunma ehtimalının daha çox olduğunu deyib və özünə Corc adını götürüb:

"Bu adı seçməyə məcbur idim. Çünki problem mənim əsərimdə deyil, qadın olmağımdadır".

Katrin əsərini qadın imzası ilə təqdim edəndə 50 nəşriyyatdan 2-i, kişi adıyla təqdim edəndə isə 6 nəşriyyatdan 5-i müsbət cavab verib. Yazıçı bir nəşriyyata müxtəlif imzalarla göndərdiyi eyni əsər haqqında qəribə şərhlər alıb. Katrin adı ilə göndərdiyi əsərdə obrazların küsəyən və əsərin dilinin poetik olması bəhanə gətirildiyi halda, Corc adıyla göndərdiyi eyni əsər çox maraqlı və diqqətçəkici hesab olunub.

Qeyd edək ki, Katrinin başına gələn hadisə ədəbiyyatda ilk deyil. İngilis yazıçı Meri An (Corc Eliot), Bronte bacıları, J. K.Roulinq (Robert Qalbreys) də kişi adlarından istifadə edib.