ABŞ-da Abigeyl Kinqston adlı qadın toy günündə ailəsindən yadigar qalan və 120 illik tarixi olan gəlinlik libasını geyəcəyinə qərar verib.

Axar.az xarici mətbuata istinadən xəbər verir ki, Kingston ona nənəsinin nənəsindən qalan və ilk dəfə 1895-ci ildə tikilən gəlinlik libasını geyinən 11-ci ailə üzvü olacaq.

Nikah mərasimində 120 illik gəlinliyi geymək istəyən 30 yaşlı Kinqston, paltarın həddən artıq köhnəldiyini gördükdən sonra fikrini dəyişib. Lakin, Kinqstonun anası onu bir dərzinin yanına aparmağı və bərpasının mümkün olacağını bildirib. Doberah Lopresti adlı dərzi-dizayner paltarın üzərində nə az nə çox 200 saat işlədikdən sonra onu əvvəlki vəziyyətinə qaytara bilib.

1975-ci ildə Abiqeyldən əvvəl bu gəlinliyi geyinən anası "Bu yalnız bir gəlinlik paltarı deyil. Bu gəlinlik eşq deməkdir", - deyə bildirib.