Rəhmətlik atam məni həkim, professor Topçubaşovun yanına göndərdi. O da boğazıma baxan kimi dedi, nə yaxşı ölməmisən? Boğazım xəlbir kimi deşik-deşik olmuşdu.

Axar.az xəbər verir ki, bu sözləri Aşıq Ədalət ATV-də yayımlanan "Bizimləsən" verilişində onu zəhərləyib səsini korlamaq istəyən adam haqqında danışarkən deyib. Aşıq ona bu sui-qəsdi hazırlayan adamın adını gizli saxlayıb:

"İndi əvvəlki kimi oxuya bilmirəm. Dərman vermişdilər mənə. Təxminən 35-40 il bundan əvvəl baş verən hadisədir. 5-10 günlük səfərdə bir neçə adamla yoldaşlıq elədik. Qayıdanda səsim kəsildi, boğazım qıcıqlandı, ölümcül hala düşdüm. Məni gətirdilər Gəncədə professor Əmirovun yanına. 1-2 gün baxdı, dedi, bizlik deyil, Bakıya aparın.

Rəhmətlik atam məni həkim, professor Topçubaşovun yanına göndərdi. O da boğazıma baxan kimi dedi, nə yaxşı ölməmisən? Boğazım xəlbir kimi deşik-deşik olmuşdu. Sonradan bildim ki, bunu kim edib, amma heç nə etmədim. Nə edəcəkdim ki? O adam dünyasını dəyişdi, o dünyada cavab verəcək".