Hər məsələyə müsbət tərəfindən baxmaq lazımdır.

Bu sözləri əməkdar artist Füzuli Hüseynov Akademik Milli Dram Teatrındakı son vəziyyətlə bağlı Axar.az-a danışarkən deyib:

"Azər Paşa Nemətovun Akademik Milli Dram Teatrına gəlməsi hələ ki, proseslərdə elə bir dəyişiklik yaratmayıb. Şəxsən mən öz adımdan Azər Paşa müəllimə demişəm ki, sizinlə heç bir problemimiz yoxdur, nə qədər ki, işinizi normal görəcəksiniz, teatrda hər şey qaydasında gedəcək.

İndi biz həm maaşlarla, həm də başqa inzibati məsələlərlə bağlı dəyişikliklər olmasını gözləyirik. Deyilənə görə, yeni ildən bu baxımdan mühüm dəyişikliklər olacaq".

Teatrda aktyorların rol problemi ilə üzləşməsi haqda da danışan aktyor bəzi həmkarlarının rola görə problem yaratdığını bildirib.