Bəzi saytlar məlumatı dəqiqləşdirmədən yazırlar.

Bu sözləri xalq artisti Firəngiz Mütəllimova bir müddət əvvəl səhhəti haqda saytlarda çıxan xəbərlərlə bağlı Axar.az-a danışarkən deyib. O, bəzi saytları yalan məlumat yaymaqda günahlandırıb:

"Xəbərlər çıxdı ki, guya Türkiyəyə müalicəyə getmişəm. Amma bu belə deyil. Mən ora müalicəyə yox, müayinəyə getmişdim. Bildiyiniz kimi, 2 il əvvəl Türkiyədə beynimdən əməliyyat olunmuşam. İndi isə şükür ki, hər şey yaxşıdır. Sadəcə, arada müayinəyə getmək lazım idi. Mən də gedib müayinə olundum, hazırda evdəyəm. Bəzi saytlar o qədər dəqiqləşdirmədən xəbərlər yazırlar ki, inanın, artıq saytlara açıqlama vermək istəmirəm".