Gənc yazıçı Cəmilə Məmmədlinin "Qonşu evin işıqları" kitabı işıq üzü görüb.

Axar.az xəbər verir ki, kitab Feysbuk sosial şəbəkəsindəki "Kitabsevərlər" qrupunun "Gənc qələmlərə dəstək" layihəsi çərçivəsində nəşr olunub.

"Elm və təhsil" nəşriyyatı tərəfindən çap edilən kitabın redaktoru və ön sözünün müəllifi gənc yazıçı Cavid Qədirdir. Kitabda müəllifin 12 hekayəsi və 1 povesti yer alıb.

Kitabın təqdimatı "Kitabsevərlər" qrupu və Kitabevim.az kitab evinin birgə təşkilatçılığı ilə dekabrın 20-də saat 13:30-dan 16:30-dək "Kitabevim.az"da baş tutacaq.

Qeyd edək ki, "Qonşu evin işıqları" müəllifin ilk kitabıdır.