Müsabiqənin maddi məsələ ilə bağlı dayandırılması haqda deyilənlər tamamilə yanlışdır.

Bu sözləri Nazirlər Kabineti yanında Tərcümə Mərkəzinin aparat rəhbəri Yaşar Əliyev mərkəzin keçirdiyi "Yeni söz" müsabiqəsinin dayandırılması ilə bağlı yayılan şayiələr haqda Axar.az-a danışarkən deyib. O, müsabiqənin yenidən təşkil olunacağını bildirib:

"Müsabiqə ona görə dayandırıldı ki, bizə kifayət qədər əsər göndərilməmişdi. Həmçininekspertlər bəzi əsərləri oxudular, mətnlər bizi qane etmədi. İndi kimlərinsə adını çəkmək istəmirəm, bizə göndərilən mətnlər 40-45 ədəd təşkil edirdi, çoxunda səviyyə aşağı idi. Ola bilsin ki, yaxın günlərdə müsabiqəni yenidən təşkil etdik".

Xatırladaq ki, Tərcümə Mərkəzinin elan etdiyi "Yeni söz" müsabiqəsi poeziya, nəsr və esse nominasiyaları üzrə keçirilirdi və müsabiqənin mükafat fondu 10 min 500 manat təşkil edirdi.

Qeyd edək ki, ədəbi ictimaiyyətdə müsabiqənin məhz maddi məsələlərə görə dayandırılması haqda şayiələr yayılıb.