Amerikalı rejissor Spayk Li gələn ay mükafatlandırma mərasimi olacaq Oskarı boykot etdiyini açıqlayıb.

Axar.az xəbər verir ki, boykotun səbəbi builki Oskar mükafatına qaradərili aktyorların namizəd göstərilməməsidir.

Rejissor İnstaqram hesabından mesaj paylaşaraq "ağappaq" mükafat mərasimini dəstəkləyə bilməyəcəyini söyləyib. Li iki il ardbaard 40 ağdərili aktyorun namizəd göstərilməsini tənqid edərək belə sual ünvanlayıb:

"Biz aktyorluq edə bilmirikmi?"

Xatırladaq ki, cümə axşamı namizədlər açıqlanandan sonra sosial şəbəkələrdə "Oskar çox ağdır" (OscarsSoWhite) etiketi trend olmuşdu.