Adam belə insanlarla bir cəmiyyətdə yaşamağa nifrət edir.

Axar.az xəbər verir ki, bu sözləri müğənni Nadir Qafarzadə rəsmi İnstaqram səhifəsində yazıb. O bir çox mənəvi problemləri savadsızlıqla əlaqələndirib:

"İndi yazacaqlar ki, Nadir kefdə-damaqdadır, bu krizis vaxtı gəzir, dolanır! İnanın ki, elə bu dedi-qoduların əlindən baş götürüb uzaqlara getmək istəyirəm. Nə qədər bizim insanlarda şüur, savad aşağıdırsa, dünyagörüşü azdırsa, çətin bizdən adam olar.

Ey insanlar, əl çəkin onun-bunun pulunu saymaqdan, nahaq danışmaqdan, qeybət edib ev yıxmaqdan. Vallah, adam belə insanlarla bir cəmiyyətdə yaşamağa nifrət edir. Unutmayın ki, Allah hər kəsin ürəyinə görə verir. Siz nə qədər başqasının pulunu saysanız, Allahdan heç nə gözləməyin. Allah bilir kimi necə mükafatlandırır!"