Axar.az-ın "Bir abzas" layihəsində hər hansı ədəbiyyat adamı haqda həmkarlarının fikirlərini təqdim edəcəyik. Layihənin ilk həftə üçün qonağı yaxın günlərdə 62 yaşını qeyd edən Azərbaycan şairi Əlisəmid Kürdür.

Yazıçı Şərif Ağayar şair Əlisəmid Kürün yaradıcılığı haqda fikirlərini bölüşür:

"Yeni dövr şairlərindən Ramiz Rövşən və Vaqif Cəbrayılzadə ilə yanaşı sərbəstlə hecanın sərhədində yazan nadir imzalardan biri də Əlisəmid Kürdür. Əlisəmid təkcə formaca deyil, məzmunca da sərbəst olmağı bacardı. Həyat tərzində də həmyaşıdlarına nisbətən daha sərbəst, daha azad oldu. O, başlı-bütünlü klassik şair obrazına ən çox uyğun gələn müasirimizdir. Zahiri görkəmi də, səsi də bu obrazı tamamlayır. Əlisəmidin şeirlərində elə həssas məqamlar var ki, adam heyran qalır. Məncə, o, şeiri, sözü təkcə ürəyi ilə deyil, bütün bədəniylə hiss edir. Yarasa kimi... Məhz bu hissiyyatın nəticəsidir ki, uça-uça sözün ən gözəlinin üstünə qonmağı bacarır".

Əvvəlki Abzas

"Kür çayı bunu min il gözlədi" - Bir abzas