Fransanın milli qəhrəmanı Janna d'Arkın gümüş üzüyü İngiltərənin paytaxtı Londonda baş tutan "Taymlayn Auksions" hərracında satışa çıxarılıb.

Axar.az xəbər verir ki, gümüş üzük 420 min dollara satılıb.

Məlumata görə, ilkin satış qiyməti 21 min dollar dəyərində müəyyənləşdirilən XV əsrin zinət əşyasına sahib olmaq üçün onlarla kolleksiyaçı mübarizə aparıb.

Xatırladaq ki, İngiltərə-Fransa arasında baş verən "Yüzillik müharibə"də fransız qoşunlarına başçılıq edən Janna d'Ark burqundiyalılara əsir düşüb. Sonradan ingilislərə təhvil verilən Janna cadugərlikdə ittiham olunaraq 1431-ci ildə tonqalda yandırılıb.