Vətənpərvər ruhda olan mahnılarımın əksəriyyətinin müəllifi dostum Cəlal Qurbanovdur. Yaşar Baxış ilə məni uzun illərin yaradıcı yolları bağlayır.

Bu sözləri xalq artisti Aygün Kazımova vətənpərvərlik mövzusunda olan "Əsgər marşı" mahnısı haqda Axar.az-a danışarkən deyib. O, digər layihələrini dayandırdığını bildirib:

"Bu marşı vətənpərvər mahnıların peşəkar ifaçısı Şəmistan Əlizamanlıya da təqdim etmişik. O da ifa edib. Onun ifasında da "Əsgər marşı" çox uğurlu alınıb. Bütün əyləncə ruhlu layihələrimi dayandırmışam. Fikrim əsgərlərimizin yanındadır. Ona görə vətənpərvər ruhlu layihələrə başlamışıq. Haqqımda ölüm xəbəri, şər-böhtan, təxribat xarakterli xəbərləri yayan, yazan, danışan və bununla qalmaqal yaradıb gündəmə gəlmək istəyən insanlara demək istəyirəm ki, hazırda çox məşğulam. Sizə cavab verəcək zamanım heç yoxdur. Bir az xətdə qalın..."