Almaniyada olan və 108 il əvvəl dənizə atılan butulka ən qədim məktub butulkası kimi Ginesin rekordlar kitabına düşüb.

Axar.az xəbər verir ki, Marianna Vinklerin tapdığı butulka 30 noyabr 1906-cı ildə ingilis dəniz bioloqu Corc Parker Bidder tərəfindən dənizə atılıb. O tarixdə dəniz axıntılarının istiqaməti üzərində araşdırma aparan Bidder dənizə minə qədər butulka atıb. Bidderin dənizə atdığı butulkaların içindəki açıqcaların arxasına "bu şüşəni tapsanız Plimut şəhərindəki İngiltərə Dəniz Biologiyası Dərnəyinə göndərin, mükafatınızı alın" yazılıb.

Vəd edilən mükafat isə 1 sterlinqdir.

Qeyd edək ki, bundan əvvəl tapılan ən qədim məktub butulkası 99 il əvvələ aiddir.