İndikilərin forsundan dünya dağılır.

Bu sözləri bəstəkar Nailə Mirməmmədli gənc bəstəkarlar haqda Axar.az-a danışarkən deyib. O, indiki gənclərin çox yekəxana olduqlarını bildirib:

"O gün Moskvadan bir yaxınımız gəlmişdi. Mənə dedi ki, indi sizdə niyə səs-küy salan mahnılar yoxdur? Ancaq sənin mahnılarını bilirik. Çünki mən tez-tez öz mahnılarımı onlara göndərib məsləhətləşirəm. İndi demək olar ki, mahnıların çoxu bir-birinin nüsxəsidir. Bu sahədə istedadı olmayan adamlar gəlib özlərinə bəstəkar deyə bilirlər. Bir mahnı ilə məşhurlaşıb şöhrət xəstəliyinə tutulurlar. Başlayırlar yekəxanalıq etməyə. Heç adama salam da vermək istəmirlər. Bir söz var, deyir, bir milləti vurmaq istəyirsənsə, birinci onun mədəniyyətini vur. Çox təəssüf edirəm ki, bu gün bu sözləri bizim mədəniyyətimiz haqda da demək olar".