Mərhum bəstəkar Bəhram Nəsibovun həyat yoldaşı vəfat edib.

Axar.az xəbər verir ki, bu haqda jurnalist Aygün Muradxanlı sosial şəbəkədə məlumat verib:

"Deyin, hardadır", "Qal, sənə qurban", "Sənsiz yaşaya bilmirəm", "Səni qəmli görəndə" və nə qədər gözəl sevgi nəğmələrinin ünvanı Rəfiqə xanım vəfat edib. Gözəl bəstəkar Bəhram Nəsibovun Rəfiqə xanımı... Onların hekayəsi dünyanın ən gözəl eşq hekayələrindən biridir mənim üçün. Allah məkanını cənnət eləsin Rəfiqə xalanın. Nur içində yatsın. Gəl də sevgiyə inanma. Rəfiqə xanım Sevgililər Günündə getdi Bəhram əmiyə. İnşallah, ruhları rahatdır".

Qeyd edək ki, 1942-ci ildə anadan olan Bəhram Nəsibov "Gecələr", "Ay gecikən məhəbbətim", "Ay qız", "Gəl inad etmə" və digər məşhur mahnıların müəllifidir. O, 1998-ci ildə vəfat edib.