Məşhur müğənni Özcan Dəniz özündən 22 yaş kiçik sevgilisi Busə Narçıdan ayrılıb.

Axar.az xəbər verir ki, uzun müddətdir birlikdə olan cütlük ayrılıq qərarı veriblər. Onlar sosial mediadadakı paylaşmalarında bir-birlərini günahlandırıblar.

Özcan Dəniz instaqram hesabında aşağıdakı mətni yazıb:

"Olmayacaq insanlar üçün olmayacaq xəyallar qurduğuma görə ən çox özümdən üzr istəyirəm".

Busə Narcı isə ona belə cavab verib:

"Bəzi insanlar mənliklərinin əskik tərəfləri ilə üzləşmək yerinə, əskiklərini başqalarının məsumiyyətlərinə dil uzadaraq örtməyi və kar vicdanlarına qarşı dürüst olmaqdansa, ağır qüsurlarını yükləyəcək bir günah keçisi tapmağı seçirlər".