Bir müddət əvvəl demişdim ki, Türkiyədə yeni layihə üzərində çalışıram. Bax, həmin layihənin bəhrəsini yaxın günlərdə görəcəyəm.

Bu sözləri müğənni Afaq Aslan türk müğənnisi Bayxan Gürxanı Bakıya gətirməsi haqda Axar.az-a danışarkən deyib. O, maraqla qarşılanacaq fotosessiya etdirəcəyini də sözlərinə əlavə edib:

"Bütün bu layihələrin içində konsertlər də nəzərdə tutulub. Türkiyədə olanda Bayxanla Bakıda konsert vermək barədə danışdıq, razılıq əldə olundu. Bayxan 10 nəfərlik orkestrlə səhnəyə çıxacaq. Bundan başqa, yeni mahnılar və fotosessiya üzərində çalışıram. Əminliklə deyə bilərəm ki, Azərbaycanda heç bir müğənni belə bir cəsarətli fotosessiya həyata keçirməyib. Bunu mən edəcəyəm, gözləməyə dəyər".