Sevil-Sevinc bacıları sabah “Hər şey daxil” verilişində tamaşaçılarla vidalaşacaqlar.

Kult.az xəbər verir ki, bu barədə onlar İnstaqramda qeyd ediblər. Bacılar bildiriblər ki, sabah prodüser Tarix Əliyev ilə birlikdə canlı efirdə vidalaşacaqlar:

“2 iyun 2014-cü ildən etibarən evinizin sakini olduq. Bir çoxunuz bizi evinizin övladı bilib dərdimizə şərik oldunuz. Sevincimizə, uğurumuza sevindiniz. Biz yıxıldıq, siz əlimizdən tutub ayaq üstdə dayanmağı öyrətdiniz. Xəzər TV, bizi biz edən, bizim halal qazandığımız çörəyi bizə çox görmədiniz. Ailə kanalında çalışıb, oranın övladı, siması olmaq nə qürurvericidir. Bizi Xəzər TV böyüdüb başa çatdırdı. İndi isə uğurla bizi müğənni kimi sənətimizi daha böyük zirvəyə qaldırmağa yola salır. Bu postu ağlayaraq, əlim əsərək yazıram. Çünki ailəm bilirəm. Bu xəbərə sevinən də, kədərlənən də olacaq. Rəhbərlik sağ olsun, seçimimizə hörmətlə yanaşdı. Dörd il sonra, yəni, sabah saat 10:00-da canlı efirdə vidalaşırıq”.

Qeyd edək ki, “Hər şey daxil” verilişi Sevil - Sevinc bacılarının təqdimatında Xəzər TV-də həftə içi hər gün yayımlanırdı.