Türkiyənin məşhur aktyoru Kıvanc Tatlıtuğ sığorta şirkətini bezdirib.

Axar.az xəbər verir ki, sağlamlığına olduqca diqqət edən aktyor hər fürsətdə xəstəxanaya baş çəkir. Yalnız sağlamlığı üçün ildə təxminən 30 min türk lirəsi qəbz çıxaran aktyorun bu xasiyyəti sığorta şirkətini bezdirib.

Aktyorun xüsusi sağlamlıq sığortası xidməti aldığı şirkət onun hər dəfəsində şirkətə pul xərclətməsindən cana gəldiyini bildirib. Kıvançın hazırda baş rolunu canlandırdığı serialda atdan yıxıldıqdan sonra uzun müddət xəstəxanadan çıxmadığı da məlum olub. O vaxtdan xeyli keçməsinə baxmayaraq, aktyor hər gün müayinə üçün xəstəxanaya gedir. Sığorta şirkəti isə lazımsız müayinələr üçün pul ödəməkdən yorulub.