Ukrayna Azərbaycanı İsveçrədə keçirilməsi planlaşdırılan sülh sammitində iştirak etməyə dəvət edib.

Axar.az xəbər verir ki, bunu Ukrayna Ali Radasının sədr müavini Yelena Kondratyuk Feysbukda yazıb.

“Azərbaycanın xarici işlər naziri Ceyhun Bayramov Bakının Ukraynanın bərpasına dair beynəlxalq konfransda fəal iştirak edəcəyini təsdiqləyib. Konfrans bu ilin iyun ayında Berlində baş tutacaq. Mən də Ukrayna adından Azərbaycanı İsveçrədə keçiriləcək sülh sammitində iştirak etməyə və Prezident Zelenskinin Ukrayna sülh formulunun bir və ya bir neçə bəndinə qoşulmağa dəvət etdim. Məsələn, enerji təhlükəsizliyi və ya minalardan təmizləmə məsələlərinə”, - o bildirib.

Kondratyuk həmçinin Rusiya tərəfindən qanunsuz deportasiya olunmuş ukraynalı uşaqların geri qaytarılması mövzusunu qaldırıb və Azərbaycanı onların geri qaytarılması üçün Beynəlxalq Koalisiyaya qoşulmağa dəvət edib.