ABŞ-ın birinci xanımı Melaniya Tramp maliyyəçi Ceffri Epşteynlə hər hansı əlaqəsinin olduğunu təkzib edib və Konqresi cinsi istismar qurbanları üçün ictimai dinləmələr keçirməyə çağırıb.

Axar.az xəbər verir ki, bu barədə M.Tramp Ağ Evdə açıqlamasında deyib.

Birinci xanım onun ortağı Qileyn Maksvell ilə də heç bir əlaqəsi olmadığını vurğulayıb.

O iddia edib ki, o dövrdə sosial çevrələrdə adi hal olduğundan onlarla Nyu-Yorkda və ya Palm Biçdə ictimai tədbirlərdə təsadüfən qarşılaşıb:

"Mən heç vaxt Epşteynlə dost olmamışam”.

Qeyd edək ki, “Epşteyn işi” amerikalı maliyyəçi Ceffri Epşteynin yetkinlik yaşına çatmayan qızları cinsi istismara məruz qoyma, seks-trafinq və yüksək vəzifəli şəxsləri də əhatə edən şəbəkə qurma ittihamları ilə bağlı beynəlxalq qalmaqaldır. 2019-cu ildə həbs edildikdən sonra kamerada ölən Epşteynin işi, sənədlərin (2024-2026) açılması ilə rezonans doğurur.